TUMBUKA RHAPSODY OF REALITIES TEEVO
MULISKA CHRIS OYAKHILOME DSc DSc DD
CHINKHONDI, EPULERO 3, 2026
NYIFWA YAKUZIZWISKA YA YESU
(Umo Wakafwira mbukaboni kuti Iyo ni Chiuta )
KU BAIBOLO
Marko 15:39 Ndipo mulara wa ŵankhondo uyo wakimilira panthazi pa Yesu, wakati wawona umo Yesu wakafwira, wakati, "Munthu uyu wakaŵa nadi Mwana wa Chiuta".
TIDUMBISKANE ➡️
Mu chilengiwa, vinthu vinyake vikuchitika viŵi yayi, ndipo para vyachitika, vikusintha umo tikuwonera charu. Ghanaghanirani za kubisika kwa dazi uko kukupangiska kuti zuŵa lizgoke usiku mwamabuchi. Sono ghanaghanirani nyengo iyo chilengiwa chikasindamira sembe yikuru chomene mu mdauko: nyifwa ya Yesu Khristu. Nyifwa ya Yesu yikaŵa yachilendo yayi. Ŵakamususka na kumupayika pa mphinjika, ndipo ŵalongozgi, ŵasilikari, na ŵankhungu awo ŵakapayikika pamoza nayo ŵakamuseka (Mateyu 27:42 - 44).
Ndipo chinthu chinyake chakuzizwiska chikachitika. Kufuma pa ora la 12 kukaŵa mdima pa charu chose ndipo ukaŵapo kufikira pa ora la 3. Uku kukaŵa kuŵira kwa dazi yayi, kweni kuchanya kukapharazga kuti zakwananga za charu vyose zaŵikika pa Yesu. Pa nyengo yeneyira, Yesu wakachemerezga kuti, "Chiuta wane, Chiuta wane, kasi mwanisidirachi" (Mateyu 27:46).
Wakawopanga nyifwa ya thupi yayi, kweni ya kupatukana na Dada. Mutuŵa wakafumako apo Yesu wakazgoka kwananga chifukwa cha ise (2 Ŵakorinte 5:21). Uwu ndiwo ukaŵa ulwilwi wenecho wa pa mphinjika. Iyo wakazizipizga kuti tileke kupatukana na Chiuta. Wakachemerezga na mazgu ghakuru, wakati, " Adada, nkhuŵikizga mzimu wane mu mawoko ghinu". Yesu wakajipeleka na umoyo wake, kufiska mazgu ghake ghakuti: "Nili na mazaza gha kuwupeleka, ndipo nili na mazaza gha kuwupokaso ".
Apo Yesu wakafwanga, katani ya mu tempele yikapaluka pakati kufuma pachanya mpaka pasi, kulongora kuti mphaka iyo yikapambaniskanga Chiuta na ŵanthu yafumiskikapo, na kutipa mwaŵi wakuti tisendelere kwa Ŵadada. Nanga ni mulara wa ŵasilikari uyo wakalaŵiliranga kuti Yesu wapayikike, wakati wawona umo Yesu wakafwira, wakayowoya kuti, “ ... Munthu uyu wakaŵa nadi Mwana wa Chiuta”.
Umo Yesu wakafwira vikalongora kuti wakaŵa nadi Chiuta. Nyifwa ya Yesu yikaŵa yachilendo yayi. Likaŵa sembe yikuru chomene iyo yikaponoska ŵanthu wose.
LUTILIRANI KUWAZGA : Yohane 10:17-18; Luka 23:46-49
ROMBANI
Ŵadada ŵakutemweka, tikumuwongani chifukwa cha nyifwa ya Yesu, uyo ndopa zake zikagowokera zakwananga zithu. Nkhukondwa na mulimo wakufiskika wa Khristu, pakumanya kuti wakapeleka umoyo wake chifukwa cha ine ndipo wakawuskaso umoyo wake mu kutonda. Nkhukhala mwakukondwa, ndipo nkhusanga chandulo na chitemwa chake, sono na muyirayira. Ameni.
NDONDOMEKO YA KUŴAZGA BAIBOLO ZUŴA LILILOSE
CHAKA CHIMOZA
Luka 9:18-36, Yoswa 13-15
VYAKA VIŴIRI
Mateyu 27:1-10, Leviticus 2
CHITANI: Muhanyauno, wongani Fumu Yesu chifukwa cha sembe iyo wakapeleka na kuphalirako mubwezi winu vinthu ivyo mwasambira vya iyo.
